Հաճախ ասեք երեխային «սիրում եմ քեզ»

Անկախ տարիքից երեխան ցանկանում է լսել այդ խոսքերը: Կարևոր է դրանք հնարավորինս հաճախ ասել:

Նույնիսկ եթե ձեզ թվում է, որ ձեր դիմաց փշոտ դեռահաս է, որին չի հետաքրքրում ձեր կարծիքն ու քնքշությունը։ Անցումային տարիքում երեխան շատ ավելի ուժեղ է բախվում երկու աշխարհներին՝ մանկական և մեծահասակների:

Մի կողմից նա ցանկանում է, որ իրեն չափահաս ու անկախ համարեն, մյուս կողմից՝  գրկեն,  գովաբանեն:

«Ես քեզ սիրում եմ» բառերն իսկապես կախարդական հատկություն ունեն՝ հանգստացնում են և՛ մեծին, և՛ երեխային, վստահություն և ինքնավստահություն են հաղորդում նրան։

Կարեւոր է նման խոսքերը գործով հաստատել, որպեսզի չարժեզրկվեն՝ միասին քննարկեք ձեր խնդիրները, երեխայից սեփական կարծիքը հարցրեք, լսեք, խոսեք, միասին ժամանակ անցկացրեք։

Թարգմանությունը՝ Infolife.am-ի