10 պատճառ խնձոր ուտելու համար

Օրը մեկ խնձոր և բժշկի կարիք չեք ունենա, – ասում են բրիտանացիները։

Խնձորը, թերևս, ամենատարածված դիետիկ սնունդն է: Այն հասանելի է տարվա ցանկացած եղանակի: Միջին չափի խնձորը պարունակում է մոտ 40-50 կալորիա: Չնայած դրան, բժիշկները խորհուրդ չեն տալիս «նստել» միայն խնձորի վրա և խորհուրդ չեն տալիս մոնոդիետաները։

Խնձորը նորմալացնում է մարսողական համակարգը.

Խնձորը 80%-ով բաղկացած է ջրից, մնացած 20%-ը բջջանյութ է, որը լավացնում է մարսողությունը և նվազեցնում աղիքային խանգարումների հավանականությունը:

Նվազեցնում է խոլեստերինը. Խնձորը պարունակում է պեկտին, որն օգնում է օրգանիզմից հեռացնել ավելորդ խոլեստերինը։ Նվազեցնում է անոթների խցանման և սրտի կաթվածի հավանականությունը։ Բացի խոլեստերինից, պեկտինը օրգանիզմից  «հեռացնում է» նաև թունավոր նյութերը (կապար, մկնդեղ, սնդիկ)։

Պաշտպանում է ուռուցքներից. Խնձորում պարունակվող ֆլավոնոիդներն ու պոլիֆենոլները իսկապես ունեն հակաուռուցքային ազդեցություն։

Բարձրացնում է իմունիտետը. Խնձորի մեջ հայտնաբերված վիտամին C-ն ամրացնում է իմունային համակարգը։ Բացի այդ, բազմաթիվ հետազոտություններ ցույց են տվել, որ խնձորը պաշտպանում է բրոնխո-թոքային համակարգը, մասնավորապես, օդում պարունակվող վնասակար կեղտից և ծխախոտի ծխից։

Լրացնում է երկաթի պակասը. Խնձորում երկաթը որոշ չափով ավելի քիչ է, քան մյուս մթերքներում (նույն նուռը, կարմիր միսը), սակայն խնձորն օգնում է դրա ակտիվ կլանմանը։

Հագեցնում է։ Բջջանյութը, որով հարուստ է խնձորը, օգնում է արագ հագեցնել քաղցը, բայց ամենակարևորը՝ խնձորն օգնում է սննդի որակյալ մարսմանը և կանխում ածխաջրերի վերածումը ճարպերի՝ նպաստելով քաշի կորստին։

Մաքրում է ատամները. Պեկտինները, որոնցով հագեցած է խնձորի միջուկը, ունեն մանրէասպան հատկություն և կարող են բառացիորեն ապահովել բերանի խոռոչի սանիտարական մաքրումը։ Խնձորի կոշտ կեղևը նաև մերսում և ամրացնում է լնդերը՝ խթանելով արյան շրջանառությունը։

Պաշտպանում է ավիտամինոզից։ Խնձորը վիտամինների և հանքանյութերի յուրահատուկ համալիր է։ Բացի C վիտամինից, դրանք պարունակում են A, K, E և B խմբի վիտամիններ, պղինձ, ցինկ, քրոմ, երկաթ, յոդ, ֆտոր, սելեն և մակրոէլեմենտներ՝ մագնեզիում, կալցիում, ֆոսֆոր, կալիում, քլոր, ծծումբ:  Խնձորն ամրացնում է սրտանոթային համակարգը, նորմալացնում է նյարդային համակարգի աշխատանքը, կայունացնում է մկանների աշխատանքը, բարելավում է մարսողական համակարգի աշխատանքը և ամրացնում իմունային համակարգը։

Օգնում է լյարդին: Բացի այն, որ պեկտինները նվազեցնում են խոլեստերինը, նաև օգնում են լյարդին։ Խնձորի մեջ պարունակվող քլորոգենաթթուն օրգանիզմից հեռացնում է օքսալաթթուն, որի չափազանց մեծ քանակությունը կարող է առաջացնել երիկամների և միզուղիների խանգարումներ:

Օգնում է ազատվել սթրեսից. Ի վերջո, խնձոր պարզապես համեղ: Թարմ պատրաստված խնձորի շառլոտկայի բույրը կարող է ստիպել ձեզ մոռանալ բոլոր խնդիրների մասին, իսկ խնձորի թեյը կհանգստացնի և կօգնի ձեզ քնել:


Թարգմանությունը՝ Infolife.am-ի