Նուշ՝ օգտակար հատկություններ եվ հակացուցումներ

Օրգանիզմի համար նուշի արժեքավոր հատկությունները որոշվում են նրա բաղադրությամբ։ Այն պարունակում է վիտամիններ (A, C, E, B խումբ), հակաօքսիդանտներ, հանքային տարրեր (կալցիումի պարունակությամբ այն գերազանցում է ընկույզի բոլոր տեսակներին), մոնոհագեցած ճարպեր, լինոլաթթու, օմեգա-6 ճարպաթթուներ, սպիտակուցներ և մանրաթելեր:

Մթերքի 100 գրամը պարունակում է մանգանի օրական չափաբաժին, վիտամին B2-ի չափաբաժնի 80%-ը և երկաթի կես չափաբաժինը։

Իր օգտակար հատկությունների շնորհիվ քաղցր նուշը դրական ազդեցություն ունի օրգանիզմի վրա.

·        ամրապնդում է իմունային համակարգը

·        կանխում է աթերոսկլերոզի զարգացումը

·        նվազեցնում է խոլեստերինը

·        կարգավորում է քունը

·        կարգավորում է ստամոքսի թթվայնության մակարդակը

·        թեթևացնում է ստամոքսի ցավը

·        խթանում է աղիների աշխատանքը

·        կարգավորում է սրտի հաճախությունը և արյան ճնշումը

·        բարձրացնում է տրամադրությունը

·        լիցքավորում էներգիայով

·        բարելավում է ֆիզիկական պատրաստվածությունը

·        նվազեցնում է արյան շաքարի կոնցենտրացիան

·        բարձրացնում է հեմոգլոբինը

·        հեռացնում է թունավոր նյութերը

·        մաքրում է արյունը

·        հանգստացնում է նյարդերը

·        կանխում է մարմնի վաղ ծերացումը

·        նվազեցնում է քաղցկեղի առաջացման ռիսկը

Նուշն անհրաժեշտ է հատկապես դպրոցականներին, ուսանողներին, ինչպես նաև ինտելեկտուալ աշխատանքով զբաղվող մարդկանց համար։ Նրանք ակտիվացնում են ուղեղի գործունեությունը, բարելավում են հիշողությունը և բարձրացնում կենտրոնացումը։

Նուշի կանոնավոր օգտագործումը տղամարդկանց մոտ խթանում է տեստոստերոնի արտադրությունը, կանխում շագանակագեղձի հիվանդությունների զարգացումը, բարձրացնում պոտենցիան, կանխում վաղ սերմնաժայթքումը, մեծացնում է սերմնահեղուկի շարժունակությունը և նրանց բեղմնավորման կարողությունը:

Կանանց մոտ նուշը նորմալացնում է հորմոնալ մակարդակը, բարելավում է մաշկի, եղունգների և մազերի վիճակը։ Նուշի բուժիչ հատկությունները հատկապես օգտակար կլինեն հղիների օրգանիզմի համար, քանի որ միջուկը պարունակում է ֆոլաթթու, որն անհրաժեշտ է պտղի ճիշտ ձևավորման և արատների կանխարգելման համար։ Կրծքով կերակրման ընթացքում նուշը կօգնի մորն ու երեխային ամրապնդել իրենց իմունային համակարգը և խուսափել մրսածությունից:

Հարկ է նշել, որ չափը պետք չէ անցնել։ Այն կարող է առաջացնել ավելորդ քաշ, գլխապտույտ, ուշագնացություն, սրտի հաճախության բարձրացում և նույնիսկ դեղորայքային թունավորում:

Տղամարդկանց օրական չափաբաժինը պետք է լինի մինչև 50 գրամ (10 նուշ), իսկ կանանց և երեխաների համար՝ 20-30 գրամ (5-7 նուշ):

Երեխաներին նուշ կարելի է տալ 3 տարեկանից հետո։

Թարգմանությունը՝ infolife.am-ի