Սերկեվիլի օգուտներն ու վնասները օրգանիզմին

Աշնանային այս անուշահոտ միրգը պարունակում է բազմաթիվ վիտամիններ և օգնում է պայքարել հազի դեմ։ Ինչ այլ օգտակար հատկություններ ունի սերկևիլը:

Այս բույսի պտուղները պարունակում են պեկտին, ֆրուկտոզա, գլյուկոզա, կալիում, երկաթ, կալցիում, ֆոսֆոր և պղինձի բարձր խտություն։ Մրգի մեջ պարունակվող նյութերն ունեն հակամանրէային, հակաալերգիկ ազդեցություն։

Սերկևիլի մեջ առկա տտիպիչները օգնում են փորլուծության և փսխման դեպքում։ Վերականգնում է լյարդը և նորմալացնում մարսողական համակարգի աշխատանքը։ Այն նաև ամրացնում է անոթների պատերը և նվազագույնի է հասցնում իշեմիայի, ինսուլտի, սրտի կաթվածի և արյան անոթների և սրտի այլ պաթոլոգիաների ռիսկը։

Սերկևիլը նաև օգտակար է նյարդային համակարգի համար, այն նաև խորհուրդ է տրվում շաքարախտով հիվանդներին։ Այս միրգը նվազեցնում է արյան շաքարի մակարդակը։

Սերկևիլի հակասեպտիկ հատկությունները օգնում են ճաքերի, կոկորդի և մաշկի բորբոքային հիվանդությունների բուժմանը:

Պետք չէ երեխային սերկևիլ տալ մինչև երեք տարեկանը։

Հում սերկևիլ օգտագործելիս պետք է հեռացնել սերմերի պարկուճը։ Սերմերում առկա ամիգդալինը սերկևիլին դառը նուշի հոտ է հաղորդում և վտանգավոր է առողջության համար։ Խորհուրդ չի տրվում փորկապության հակված մարդկանց,  ինչպես նաև կոլիտով և խոցով հիվանդներին:

Թարգմանությունը՝ infolife.am-ի