Ի՞նչ խմել գիշերը հանգիստ քնելու համար

Հաճախակի սթրեսների ու առողջական խնդիրների պատճառով շատերը տառապում են անքնությամբ։ Որպեսզի կարողանաք ավելի հեշտ և ավելի լավ քնել, խմեք մեկ բաժակ քնաբեր ըմպելիք:

Լավ քուն ունենալու համար առաջարկում ենք.

- Երիցուկի թեյ, որը ոչ միայն հանգստացնում և օգնում է քնել, այլև ձեզ ավելի առողջ է դարձնում և բարելավում ընդհանուր ինքնազգացողությունը: Թեյ պատրաստելու համար 2 ճաշի գդալ դեղագործական երիցուկի վրա լցնել եռման ջուր և թողնել 10 րոպե։

- Անանուխի թեյ, որն  օգտագործվում է հոգնածությունից և գրգռվածությունից ազատվելու, արյան ճնշումը իջեցնելու և արյան շաքարի մակարդակը կարգավորելու համար։ Սրանք դրական են ազդում քնի երկարության և որակի վրա։ Ինչպես երիցուկի թեյը, այնպես էլ անանուխի թեյն անհրաժեշտ է 10 րոպե թրմել։

- Կոկոսի ջուր, որը պարունակում է մեծ քանակությամբ վիտամին B: Այն  նվազեցնում է սթրեսի մակարդակը և հանգստացնում նյարդային համակարգը։ Ըմպելիքն ավելի լավ է խմել գոլ վիճակում, քանի որ սառը վիճակում այն առույգացնում է։

Թարգմանությունը՝ infolife.am-ի