Անեմիա երկաթի դեֆիցիտից

Ստուգեք արյան մեջ երկաթի քանակը, եթե զգում եք թուլություն, հոգնածություն, շնչահեղձություն:

Երկաթն անհրաժեշտ է արյան մեջ հեմոգլոբինի ձևավորման համար: Այն թույլ է տալիս թթվածինը տեղափոխել թոքերից մարդու մարմնի օրգաններ և հյուսվածքներ։ Հետեւաբար, երբ նվազում է հեմոգլոբինի եւ էրիթրոցիտների քանակը, մարդը զգում է թուլություն, հոգնածություն, նաև շնչահեղձություն:

 

Սովորաբար օրգանիզմը պարունակում է 4-5 գրամ երկաթ։ Դրա մոտավորապես 2/3-ը հեմոգլոբինում է: Մնացածը մարմնի հյուսվածքներում, հատկապես լյարդում և փայծաղում՝ ֆերիտինի տեսքով։ Երբ երկաթի պաշարները սպառվում են, առաջանում է անեմիա՝ պայմանավորված երկաթի դեֆիցիտով:

Երկաթի պակասը լրացնելու համար անհրաժեշտ է ընդունել երկաթ պարունակող հաբեր:

Երկաթի դեֆիցիտ է զարգանում արյան կորստից, երկաթ չպարունակող սննդից, երկաթի կլանման խանգարումից, ինչպես նաև հղիության ժամանակ

Վտանգի տակ են կանայք (դաշտանի ժամանակ կանոնավոր արյան կորստի պատճառով), հղիները, արյան դոնորները, բուսակերները:

Անհրաժեշտ է ուտել բավականաչափ երկաթ պարունակող սնունդ։ Այս դեպքում կարեւոր է ոչ միայն երկաթի քանակությունը, այլեւ այն, թե որքանով է այն կլանվում։