Առողջ լինելու հիմնական կանոնները

Սննդաբան Գայանե Շահխաթունին առաջարկում է հետևել մի քանի կանոնների՝ առողջ ու գեղեցիկ լինելու համար:

Քնեք մինիմում 7 ժամ ու ցանկալի է դա լինի 23:00-ից հաշված

Առավոտյան սուրճը խմեք ոչ թե քաղցրով `այլ ընկուզեղենով (սովորույթ սարքեք սա)

Սնվեք այն ժամանակ,երբ ուժեղ քաղց ունեք,  ծամեք դանդաղ ու երկար:

Երբ կշտանում եք կանգ առեք, մի կերեք հաճույքի համար կամ մեկին ընկերակցելու համար:

Ջուր խմեք այնքան որքան օրգանիզմն է պահանջում,  մի բռնացեք ձեզ արհեստական շատ ջուր խմելով,դա սթրես է օրգանիզմի համար:

Շատ կերեք այն, ինչ բնությունից է և քիչ կերեք վերամշակված սնունդ, շատ կերեք թարմ բանջարեղեն, ձու և կաթնամթերք:

Մի խմեք քաղցր հյութեր, եթե անգամ դրանք թարմ քամած են, միևւնույն է դա քաղցրաջուր է` գլյուկոզա:

Քնելուց 4 ժամ առաջ դադարեք սնվել

Անպայման հաճախեք լողի, քանի որ դա միակ ֆիզիկական վարժանքն է, որի դեպքում հոդերը չեն ծանրաբեռնվի:Այո, հենց լողի, քանի որ քայլքն ու վազքը կարող են առաջացնել հոդերի մաշվածություն, հատկապես 40+ ից հետո և հատկապես կանանց մոտ:

Ստուգեք արյան մեջ վիտամին D-ի,  B-ի և երկաթի քանակը, անհրաժեշտության դեպքում լրացրեք դրանք:

Ունեցեք ձեր կողքին գրագետ բժիշկ թերապևտ, ում հետ կքննարկենք գանգատները  առանց հետաձգելու:

Ուշադիր եղեք ձեր ժառանգության մեջ եղած հիվանդություններին: Հաշվի առեք տատ, պապ, քեռի հորեղբայր եւ այլն, կրկնվող հիվանդությունների դեպքում  անպայման հետազոտվեք:

Մի լսեք ու մի դիտեք ոչ մի տիրույթում բացասական ինֆորմացիա,դուք միևնույն է ոչինչ չեք կարող փոխել:

Մի վիճեք հիմարների հետ, թող նրանք կարծեն, թե ճիշտ են, դրանից դուք չեք տուժի:

Մի թողեք բամբասեն ձեր ներկայությամբ, մի խառնվեք դրանց:

Շփվեք հաջողակ և ինքնավստահ մարդկանց հետ:

Օգնեք նրանց ում կարող էք այն չափով, որ չվնասեք ձեզ:

Եթե նկատել եք նախանձ ձեր հանդեպ մի նեղվեք, ուրեմն ձեզնից մի բան ներկայացնում եք:

Թող ձեզ հետաքրքրի միայն ձեր շատ հարազատների կարծիքը, մյուսներինը կարևոր չէ:

Առավոտյան լվացվեք սկզբից տաք ջրով, հետո շատ սառը քանի որ դա դեմքի մաշկի վարժանք է, երբեմն դրեք դեմքի դիմակներ:

Պլանավորեք ձեր օրը և շարժվեք ըստ այդ պլանի

Հաճախ ժպտացեք անգամ անծանոթներին

Սիրելիներին ամեն օր ասեք, որ սիրում էք, հաճախ համբուրեք ու գրկեք նրանց:

Պլանավորեք ձեր հանգիստը երկրից դուրս, թեկուզ կարճ ժամանակով:

Ամեն օր նայեք հայելուն ու ասեք, որ դուք ամենասիրունն եք,ամենաառողջը ու ամենաերջանիկը...