Դու վատն ես, մամ․ ինչպե՞ս արձագանքել այս խոսքերին

Երբ ​​երեխան ասում է «Մամ, դու վատն ես», «Ես քեզ չեմ սիրում», «Հայրիկը վատն է» և այլն, ծնողները հաճախ վիրավորվում են, նրանք կարող են նախատել կամ պատժել երեխային։ Այսինքն արձագանքում են փոքր երեխաների պես։

Ինչպե՞ս պետք է արձագանքեն մեծերը նման իրավիճակում։

Փորձեք հասկանալ ՝ ի՞նչ է երեխան զգում այդ պահին: Նման պահվածքը կարող է նշանակել ․

«Մայրիկ, ես բարկացել եմ քեզ վրա»

«Ես նեղացա քեզնից»

«Դա արդար չէ»
«Ես վիրավորված եմ».

Պարզապես երեխան չգիտի ինչպես արտահայտել իր զգացմունքները այլ կերպ:

Չնայած այս խոսքերը տհաճ են, բայց դրանք բառացիորեն և լուրջ մի ընդունեք։

Օգնեք ձեր երեխային հասկանալ, թե ինչ է զգում և սովորեցրեք նրան այլ կերպ խոսել այդ մասին: Հանգիստ բացատրեք նրան, թե ինչպես արտահայտի իր զգացմունքները, հետո ասեք, որ սիրում եք նրան անկախ ամեն ինչից։

Ժամանակի ընթացքում երեխան կսովորի ճիշտ արտահայտել զգացմունքները։

Թարգմանությունը՝ Infolife.am-ի