Ամուսնալուծության 6 ամենատարածված պատճառները

Երբ հարաբերություններում ճգնաժամ է, շատերը մտածում են ամուսնալուծության մասին։ Բայց դա ժամանակավոր երեւույթ է և շտապ որոշումները կարող են ճակատագրական լինել։

Ի՞նչ իրական պատճառներ կարող են լինել ամուսնալուծության համար:

1․ Դավաճանություն։ Վիճակագրության համաձայն, ամուսնալուծության ամենատարածված պատճառներից մեկը դավաճանությունն է, բայց շատ կանայք և նույնիսկ տղամարդիկ գերադասում են ներել դա, քան քանդել ընտանիքը: Բայց եթե դավաճանությունը պարբերաբար է տեղի ունենում, երբ զուգընկերը չի գնահատում իր ընտանիքը, չի վախենում այն ​​կորցնելուց, ապա սա մտածելու լուրջ պատճառ է։

2․ Ինտիմ խնդիրներ։ Ինչպես առանց սիրո սեքսն է կորցնում իր իմաստը, այնպես էլ սերն առանց սեքսի անհնար է պատկերացնել։ Երջանիկ ամուսնական հարաբերությունները միշտ ամրապնդվում են անկողնում: Զուգընկերներից մեկի շարունակ դժգոհությունը կարող է վեճերի, գրգռվածության և դժգոհության պատճառ դառնալ, ինչն էլ իր հերթին կարող է դառնալ ամուսնալուծության պատճառ։

 3․ Ֆիզիկական բռնություն։ Եթե ​​ամուսինն իրեն թույլ է տալիս ծեծել իր կնոջը, ապա պետք է հեռանալ այդպիսի տղամարդուց, քանի որ նրա հետ ապրելն ուղղակի անապահով է: Այստեղ զուգընկերների միջև սիրո և հարգանքի մասին խոսելն անիմաստ է:

4․Հոգեբանական ճնշում։ Բարոյական կամ էմոցիոնալ ճնշումը նույնպես հիմնավոր պատճառ է ամուսնալուծվելու համար, քանի որ անհնար է ապրել բարոյական բռնության պայմաններում։ Եթե ​​դուք անընդհատ դիմանում եք նվաստացումներին, վիրավորանքներին, մանիպուլյացիաներին, ճնշումներին, սպառնալիքներին, էմոցիոնալ շանտաժին, ապա ժամանակի ընթացքում կարող եք դառնալ զոհ՝ չկարողանալով պաշտպանել ձեզ և ձեր երեխաներին: Սա կարող է հանգեցնել նյարդային հիվանդությունների և հոգեկան խանգարումների:

5․ Վատ սովորություններ։ Ալկոհոլիզմը, թմրամոլությունը և մոլախաղերից կախվածությունը լուրջ հիվանդություններ են, որոնք կարելի է հաղթահարել միայն մասնագետների օգնությամբ։

Եթե ​​ամուսինը կամ կինը խմում են, զուգընկերը չպետք է պատասխանատվություն կրի նրա վարքի համար: Եթե ​​դուք, ձեր հերթին, արել եք հնարավոր ամեն ինչ ընտանիքը փրկելու համար, բայց դա արդյունք չի տվել, ապա ելքը մեկն է՝ հեռանալը։

6․ Ապրել երեխաների համար։ Ներդաշնակ դաստիարակության համար երեխաներին անհրաժեշտ է լիարժեք ընտանիք, որտեղ ծնողները սիրում են միմյանց և ակտիվորեն մասնակցում իրենց սերունդների կյանքին:

Եթե ​​ամուսինները անընդհատ վիճում են, բայց փորձում են երեխաների համար ձևացնել, թե ամեն ինչ լավ է, ապա երեխան կմեծանա անառողջ հոգեբանական մթնոլորտում և կընդունի ծնողների վարքագծի ձևը, ինչն էլ հետագայում կարող է կործանել նրա ընտանիքը:

Սրանք, իհարկե, ոչ բոլոր, բայց  ամենատարածված պատճառներն են:

Թարգմանությունը՝ infolife.am-ի